ნოდარ დუმბაძის მოთხრობის მიხედვით ლაშა ბუღაძის მიერ შექმნილი პიესაში სკოლის მოსწავლეები პირველყოფილი ადამიანებიდან დღემდე სასკოლო ცხოვრების ეპიზოდებს წარმოადგენენ.

წარმოდგენა საქველოქმედო ხასიათს ატარებს. თეატრალური წარმოდგენის გამართვას უზრუნველყოფს ფონდი "მომავლის გზა".

როგორც ფონდის ხელძღვანელმა დავით კინწურაშვილმა "ჯი-ეიჩ-ენს" განუცხადა, წარმოდგენიდან შემოსული თანხა ფონდში რეგისტრირებული მრავალშვილიანი ოჯახების ბავშვებს გადაეცემათ.

"ის რასაც 64-ე სკოლის მოსწავლეები აკეთებენ ნამდვილად მისასბაძია, არა მხოლოდ მათი თანატოლებისთვის. როდესაც ბავშვებს ამ ასაკში სიკეთის კეთების მოთხოვნილება უჩნდებათ და ახერხერბენ კიდეც მის ხორცშესხმას, ეს ფაქტი ნამდვილად იმსახურებს ყურადღებას. ჩვენი საზოგადოება არაა განებივრებული უანგარო ქველმოქმედების ფაქტებით, ამიტომ ბავშვების გადაწყვეტილება დაეხმარონ თანატოლებს უდაოდ მისასალმებელია", - "განუცხადა "ჯი-ეიჩ-ენს" დავით კინწურაშვილმა.

თეატრალურ წარმოდგენის რეჟისორია თამთა ბაქრაძე. სპექტაკლს დაესწრებიან ირმა სოხაძე, მამუკა ლომაშვილი, დავით კინწურაშვილი, მარინა კიზირია, 64 სკოლის პედაგოგები, წარმოდგენაში მონაწილეთა თანატოლები და მათი მშობლები.

წარმოდგენის დასრულების შემდეგ ირმა სოხაძე ფონდი "მომავლის გზის" სახელით გააკეთებს განცხადებას, 64-ე სკოლის სოციალურად დაუცველი ბავშვებისთვის მომავალი სასწავლო წლიდან კომპიუტერებისა და ინგლისურის უფასდ შესწავლის შესახებ. ამ კატეგორიის ბავშვებს ასევე უფასოთ გადაეცემათ სასწავლო ნივთები.