საპატრიარქოს უნივერსიტეტის სამეთვალყურეო საბჭოს თავმჯდომარე, გიორგი ანდრიაძე არ გამორიცხავს, რომ მამა მიქაელი კვლავ დარჩეს პატრიარქის მდივნის თანამდებობაზე. მისი შეფასებით, მამა მიქაელ ბოტკოველმა წასვლის შესახებ, ემოციური განცხადება გააკეთა
ანდრიაძე აცხადებს, რომ ეს საკითხი არ იყო ილია მეორესთან შეთანხმებული და პატრიარქის პოზიცია ამ ეტაპზე არ არის ცნობილი.
”პატრიარქის პოზიცია ამ საკითხთან დაკავშირებით არ ვიცი, თუმცა ჩემი პირადი აზრია, რომ მიქაელ ბოტკოველი არის პატრიარქის ერთგული თანამებრძოლი და ეკლესიაში იქნება მის გვერდით”, - განაცხადა ანდრიაძემ.
მამა მიქაელ ბოტკოველმა გუშინ საღამოს განაცხადა, რომ პატრიარქის მდივნის თანამდებობა დატოვა.
