ნასამ ახალი სენსაციური აღმოჩენის შესახებ სპეციალური პრესკონფერენცია გამართა. ამერიკელი მეცნიერების მტკიცებით, მზის სისტემის მიღმა სიცოცხლის არსებობის ნიშნები დასტურდება. საუბარია ულტრაცივ წითელ ჯუჯა ვარსკვლავ TRAPPIST-1-ის ორბიტაზე, რომელიც დედამიწიდან 40 სინათლის წლით არის დაშორებული და რომლის გარშემოც 7 ეგზოპლანეტა მოძრაობს. ორბიტაზე საკმარისი სინათლე და სითბოა იმისათვის, რომ პლანეტებზე წყალი არსებობდეს. 7-დან 3 პლანეტაზე სავარაუდოდ სიცოცხლისთვის საჭირო პირობებია შექმნილი.
