თათრეთის ავიაკომპანია UVT Aero ქართულ ბაზარზე შემოსვლას გეგმავს.
UVT Aero ამ დროისათვის შიდა რეისებს ასრულებს, თუმცა 2017 წლის მეორე ნახევრიდან საერთაშისო რეისების განხორციელების ნებართვის მოპოვების იმედი აქვს.
UVT Aero-ს გეგმაშია ფრენების დაწყება საქართველოს, ბელარუსის, სომხეთისა და აზერბაიჯანის მიმართულებით.
უფრო კონკრეტულად კი UVT Aero საქართველოს მიმართულებით რეისებს თბილისისისა და ბათუმის მიმართულებით აანონსებს.
ამ დროსათვის აეროპორტ „ყაზანიდან“ მხოლოდ ერთი საერთაშორისო რეისი ხორციელება. ბაქოს მიმართულებით რეისებს აზერბაიჯანული ავიაკომპანია „Azal“-ი ასრულებს.
თათრული ავიაკომპანიის მიერ საერთაშორისო რეისების დაწყებას ოპტიმისტურ შეფასებას აძლევს კომპანია AVT-ის (კომპანია, რომელიც ავიაბილეთებს ყიდის) გენერალური დირექტორი აზამატ საბიროვი. თუმცა საბიროვი კომპანიის მიერ საქართველოში ორი მიმართულებით ფრენის დაწყებას სკეპტიკურად უყურებს.
„რაც შეეხება თბილის - ეს ძალიან კარგი მიმართულებაა და ის გაამართლებს. მიმაჩნია, რომ რეისი ყაზანი-თბილისი საკმარისი იქნება და თბილისიდან ბათუმში ჩასვლა ავტომობილითაცაა შესაძლებელი. გაკეთდეს ცალკე რეისი ბათუმის მიმართულებით? ნუ არ ვიცი...თბილისი ეს good, მაგრამ იქ აეროპორტი საკმაოდ ძვირია.
ჩვენ თავის დროზე თბილისის მიმართულებით ჩარტერულ რეისებს განვიხილავდით, მაგრამ ნებართვის მირებისთვის პროავიაციასთან გარკვეულ პრობლემებს გადავაწყდით“, აცხადებს აზამატ საბიროვი.
თუმცაღა ტურისტული ბაზრის ექსპერტებს არაერთხელ აღუნიშნავთ, რომ თათრეთიდან საქართველოში მოგზაურობა ბოლო წლებში საკმაოდ პოპულარული გახდა. ზოგიერთი მათგანი ბათუმის მიმართულებაზე ფრენების დაწყების აუცილებლობასაც მიანიშნებს.
ცნობისათვის UVT Aero-ს 2015 წელს რეისები შესრულებული აქვს ყირიმის მიმართულებით და სწორედ ამიტომ კომპანია უკრაინის მიერ „შავ სიაშია“ შეყვანილი. სწორედ ამიტომ შესაძლოა ევროკავშირმა ავიაკომპანია საერთაშორისო რეისებზე არ დაუშვას.
