საფრანგეთის პრეზიდენტობის კანდიდატმა მარინ ლე პენმა ლიბანში ვიზიტისას სუნიტ მოძღვართან შეხვედრა გააუქმა. მიზეზი თავსაბურავი გახდა. დიდი მუფთის პრესსამსახურმა საფრანგეთის ეროვნული ფრონტის ლიდერს თავსაბურავის დახურვა სთხოვა, რაზეც ლე პენმა უარი თქვა. „შეგიძლიათ დიდ მუფთს ჩემი პატივისცემა გადასცეთ, მაგრამ თავსაბურავს არ დავიხურავ“,- განუცხადა ლე პენმა პრესსამსახურს.
