ბელარუსის კულტურის სამინისტრომ მწერლები და ჟურნალისტები უსაქმურთა სიაში შეიყვანა. რამდენიმე შემოქმედებით გაერთიანებას, მათ შორის, პენ-ცენტრსა და ჟურნალისტთა კავშირს ე.წ. მუქთახორების გადასახადის გადახდა მოუწევთ. მუქთახორის სტატუსი მიენიჭა კინემატოგრაფისტების, არქიტექტორების, მუსიკოსების, დიზაინერებისა და ხელოვნებამცოდნეების შემოქმედებით გაერთიანებებსაც. სკანდალური კანონონი ლუკაშენკომ 2 წლის წინ გამოსცა. პრეზიდენტის განკარგულებით, დაუსაქმებელ მოქალაქეებს ე.წ. მუქთახორების გადასახადის გადახდა ევალებათ. სკანდალურ კანონს მინსკსა და ქვეყნის დიდ ქალაქებში უკვე რამდენიმე დღეა, აპროტესტებენ.
