მთიანი ყარაბაღის არაღიარებულ რესპუბლიკაში რეფერენდუმი ჩატარდა. დეფაქტო საარჩევნო კომისიის მონაცემებით, საკონსტიტუციო ცვლილებებს მხარი ამომრჩეველთა 87,6-მა პროცენტმა დაუჭირა. საკონსტიტუციო ცვლილებით, მთიან ყარაბაღში საპრეზიდენტო მმართველობა უნდა დამყარდეს. 2006 წლის კონსტიტუციით, დეფაქტო რესპუბლიკაში ნახევრად საპრეზიდენტო მმართველობის ფორმა იყო გამოცხადებული.
