დონალდ ტრამპის საიმიგრაციო პოლიტიკის წინააღმდეგ გამართული საპროტესტო აქციის მონაწილე იმიგრანტები სამსახურიდან დაითხოვეს. ამის შესახებ BBC იტყობინება. გავრცელებული ინფორმაციით, სამსახურის გაცდენის გამო სამუშაო 100-მდე ადამიანმა დაკარგა. აქცია, სახელწოდებით „დღე მიგრანტების გარეშე“ 16 თებერვალს ჩატარდა. ორგანიზატორებმა მიგრანტებს მოუწოდეს სამსახურში არ გასულიყვნენ. ამით მათ იმის დემონსტრირება სურდათ, თუ რაოდენ დიდ როლს ასრულებენ იმიგრანტები ქვეყნის ცხოვრებაში.
