ერთ-ერთი უმნიშვნელოვანესი ფაქტორი სომხეთის უსაფრთხოებისთვის რუსეთთან სტრატეგიული პარტნიორობაა. ამის შესახებ ქვეყნის პრეზიდენტმა სერჟ სარგსიანმა განაცხადა.
„რუსეთ-სომხეთის ურთიერთობას მდიდარი წარსული და ტრადიცია აქვს. სომეხი და რუსი ჯარისკაცები ბრძოლის ველზე სხვადასხვა მხარეს არასდროს მდგარან. ჩვენი კავშირი საერთო ინტერესებიდან და აუცილებლობიდან გამომდინარეობს. რეგიონის სტაბილურობისთვის ის აუცილებელია,“-აღნიშნა სომხეთის ლიდერმა.
