"დეკანოზის საქმეში მტკიცებულების სახით აღმოჩენილი ნატრიუმის ციანიდის ოდენობა საკმარისია მხოლოდ ერთი ადამიანის მოსაწამლად და არა რამდენიმესი, როგორც ამას მთავარი პროკურორის მოადგილე მამუკა ვასაძე ამბობს,"- ამის შესახებ ჟურნალისტებს მამა გიორგი მამალაძის ადვოკატმა განუცხადა. ადვოკატების თქმით, ექსპეტიზა მტკიცებილებას სამხარაულის ეროვნულ ბიუროში ჩაუტარდა.
ამას გარდა, ბრალდებული სასულიერო პირის ადვოკატები ამბობენ, რომ საქმეში საუბარი არ არის სასულიერო პირის მკვლელობის მომზადების მცდელობაზე. დეკანოზის ადვოკატებმა დღეს მთავარ პროკურატურას გაუთქმელობის პირობის მოხსნის თხოვნით, წერილობით კიდევ ერთხელ მიმართეს.
"ეს არის ცალ კარში თამაში", - ამბობს გიორგი ფანცულაია. ადვოკატების ინფორმაციით,თუ ორ დღეში პროკურატურა მათ მოთხოვნას არ დააკმაყოფილებს, მიუხედავად იმისა, რომ გაუთქმელობის პირობის დარღვევის შემთხვევაში ადვოკატების წინააღმდეგ შესაძლოა სამართლებრივი დევნა დაიწყოს, ისინი მამა გიორგისთან ერთად კონკრეტული ნაბიჯების გადადგმას დაიწყებენ.
