თურქეთში მუღლას პროვინციაში სამხედრო მოსამსახურეებს ასამართლებენ. ისინი არშემდგარი სამხედრო გადატრიალების მცდელობაში არიან ეჭვმიტანილები. პროკურატურის მტკიცებით, განსასჯელები უშუალოდ პრეზიდენტ ერდოღანის დატყვევების ოპერაციაში მონაწილეობდნენ. მართლმსაჯულების წინაშე 47 სამხედრო მოსამსახურე წარსდგება. ბრალდების დამტკიცების შემთხვევაში მათ სამუდამო პატიმრობა ემუქრებათ.
