სახალხო დამცველი ე.წ ციანიდის საქმეზე საგამოძიებო უწყებების გარკვეულ პასუხისმგებლობაზე მიუთითებს. უჩა ნანუაშვილი მიიჩნევს, რომ თანამდებობის პირებმა ბოდიში უნდა მოიხადონ და შეცდომები აღიარონ.
ომბუდსმენი ასევე აცხადებს, რომ მამა გიორგი მამალაძის ადვოკატს დაცვის სრულფასოვანი უფლება უნდა მიეცეს.
საპარლამენტო უმცირესობამ, სპეციალურად გამართულ ბრიფინგზე განაცხადა, რომ საქართველოს მთავარი პროკურორის ირაკლი შოთაძის გადაყენების მოთხოვნით, ორშაბათიდან ხელმოწერების შეგროვებას დაიწყებდნენ.
პარლამენტი განიხილავს და კენჭს უყრის მთავარი პროკურორის თანამდებობიდან ვადამდე გათავისუფლების შესახებ საპროკურორო საბჭოს წარდგინებას. გადაწყვეტილება მიღებულად ჩაითვლება, თუ მას მხარს დაუჭერს პარლამენტის სრული შემადგენლობის უმრავლესობა.
