დონალდ ტრამპის მიერ გამოცემული საიმიგრაციო კანონები ირანელი ხალხის შეურაცხყოფაა. ამის შესახებ ირანის საგარეო საქმეთა მინისტრმა განაცხადა. „თქვენ ვერ იპოვნით ირანის ერთ მოქალაქეს მაინც, ვისაც ამერიკელების წინააღმდეგ ტერაქტი აქვს მოწყობილი. ირანი ძალადობის ყველა აქტს გმობდა. ირანელი იმიგრანტები კი შეერთებულ შტატებში სამაგალითო ქცევით გამოირჩევიან. ამიტომ, ტრამპის გადაწყვეტილება ირანისა და ირანელი ხალხის შეურაცხყოფაა,“-აღნიშნა ჯავად ზარიფიმ.
