მოსკოვში ამერიკის თავდაცვის მდივნის განცხადებას გამოეხმაურნენ. საგანგებო განცხადება რუსეთის თავდაცვის უწყების ხელმძღვანელმა გააკეთა. სერგეი შოიგუს თქმით, რუსეთი შეერთებულ შტატებთან თანამშრომლობისთვის მზადაა, თუმცა ვაშინგტონმა მოსკოვის მიმართ რიტორიკა უნდა შეცვალოს. ჯეიმს მეტისმა ნატოს მინისტერიალზე ღიად განაცხადა, რომ შეერთებულ შტატებს რუსეთთან თანამშრომლობა სურს, თუმცა მოსკოვთან ძალის პოზიციიდან საუბარია საჭირო.
