ფრანსუა ფიიონის რეიტინგი კატასტროფულად შემცირდა. სოციოლოგიური გამოკითხვა ამჯერად კვლევითმა ცენტრმა „ოდოქსმა“ ჩაატარა. როგორც გამოკითხვის შედეგებით ირკვევა, რესპუბლიკელთა კანდიდატს დღეისათვის მხარს რესპოდენტთა 22 პროცენტი უჭერს, რაც წინა თვის მაჩვენებელზე 10 პროცენტით ნაკლებია. ფიიონის რეიტინგი მას შემდეგ დაეცა, რაც გაირკვა, რომ მას მეუღლე მრჩევლად ჰყავდა გაფორმებული და სოლიდურ გასამრჯელოს უხდიდა. ფილონი რჩევებს იურიდიულ საკითხებში საკუთარი შვილებისგანაც იღებდა, რომლებიც პროფესიით იურისტები არ არიან.
