საკონსტიტუციო კომისიის წევრი, ვახუშტი მენაბდემ მიიჩნევს, რომ სახალხო დამცველის არჩევის წესი უნდა შეიცვალოს. მისი თქმით, თქმით, სახალხო დამცველის ინსტიტუტი ცვლილებით გაძლიერდება.
,,ეს გულისხმობს მისი არჩევის წესის შეცვლას ისე, რომ უზრუნველყოფილი იყოს არა მხოლოდ უმრავლესობის, არამედ უმცირესობის მხარდაჭერაც. გარდა ამისა, საუბარია ფინანსურ დამოუკიდებლობაზე, როგორიც არის ბიუჯეტის შეკვეცის აკრძალვა და ა.შ.", - განაცხადა მენაბდემ.
რაც შეეხება სახალხო დამცველის ორი ვადით არჩევის შესაძლო შემცირებას, მენაბდის თქმით, მეორე ვადით არჩევის შანსი საერთოდ უნდა მოისპოს.
"ეს არის ზოგადი სტანდარტი, რომელიც გამოიყენება დამოუკიდებელ ინსტიტუტებთან მიმართებაში. საქართველოს კონსტიტუცია და კანონმდებლობაც იცნობს ასეთ აკრძალვებს. ეს გამოიყენება იმისთვის, რომ მოქმედმა, კონკრეტულ თანამდებობაზე მყოფმა პირმა არ მიიღოს ისეთი გადაწყვეტილებები, რომლებიც მაამებლური იქნება იმ ორგანოს მიმართ, რომელიც მეორე ვადით არჩევასთან დაკავშირებით გადაწყვეტილებას იღებს. ამის შანსი საერთოდ უნდა მოისპოს", - განაცხადა მენაბდემ.
სახალხო დამცველის არჩევის წესსა და ვადებს საკონსტიტუციო კომისია დღევანდელ სხდომაზე განიხილავს.
