საპარლამენტო უმრავლესობის ლიდერ არჩილ თალაკვაძის მტკიცებით, პრეზიდენტს მასთან შეხვედრის თხოვნა არ ჰქონია. მისი თქმით, მას ე.წ. ფარული მოსმენების შესახებ კანონპროექტთან დაკავშირებით პრეზიდენტის ადმინისტრაციიდან არ დაკავშირებიან.
,,მე არავინ დამკავშირებია. პრეზიდენტს ჩემთან თხოვნა არ ჰქონია შეხვედრის. ბუნებრივია, არ არსებობს ასეთი ფორმატიც, უმრავლესობის წევრი შეხვდეს პრეზიდენტს. პრეზიდენტის ინსტიტუტი არის მაღალი ლეგიტიმაციის მქონე, პრეზიდენტი არის ბევრად უფრო მაღალი, ვიდრე უმრავლესობის ლიდერი. მე არ ვფიქრობ, რომ პრეზიდენტს უნდა შევხვდე და ვესაუბრო ამაზე. დღეს თქვენგან მოვისმინე, რომ ღამით დაურეკეს ფრაქციებს და ფრაქციებმა უარი უთხრეს პრეზიდენტს. ასეთი კომუნიკაციის ფორმა გაუგებარია ჩემთვის,“ - განაცხადა არჩილ თალაკვაძემ.
პოლიტიკურ საკითხებში პრეზიდენტის მრჩეველმა ფიქრია ჩიხრაძემ დღეს ჟურნალისტებს განუცხადა, რომ ე.წ. მოსმების კანონთან დაკავშირებით, სამწუხაროდ, გუშინ გვიან ღამით უმრავლესობამ უარი თქვა კონსულტაციებზე.
