რუმინეთში საპროტესტო გამოსვლები გრძელდება. მთავრობის გადადგომის მოთხოვნით ბუქარესტის ცენტრალურ მოედანზე ათასობით ადამიანი შეიკრიბა. საპროტესტო ტალღა რუმინეთში მას შემდეგ აგორდა, რაც მთავრობამ კორუფციის დეკრიმინალიზაციის გადაწყვეტილება მიიღო. მასობრივი აქციების ფონზე მინისტრთა კაბინეტმა სკანდალური კანონი გააუქმა. პოსტი დატოვა კანონპროექტის ინიციატორმა იუსტიციის მინისტრმაც, თუმცა მთავრობამ საპროტექტო აქციების შეჩერება ვერ შეძლო. დემონსტრანტები მინისტრთა კაბინეტის სრული შემადგენლობით გადადგომას ითხოვენ.
