დღეს, 12 ივნისს, 14:00 საათზე, ივანე ჯავახიშვილის სახელობის თბილისის სახელმწიფო უნივერსიტეტში თსუ-ის ერთ_ერთი დამაარსებლის, გამოჩენილი ქართველი მეცნიერისა და პედაგოგის ანდრია ბენაშვილის ხსოვნისადმი მიძღვნილი საიუბილეო საღამო გაიმართება. ღონისძიებას მეცნიერების წარმომადგენლები, საქართველოს პარლამენტის, მთავრობის და სხვადასხვა ორგანიზაციების წევრები დაესწრებიან.
ანდრია ბენაშვილი ქართული გეოდეზიური და ასტრონომიული სკოლის ფუძემდებელია. მან ფასდაუდებელი წვლილი შეიტანა თბილისის სახელმწიფო უნივერსიტეტში ასტრონომიის, კარტოგრაფიის და გეოდეზიის დამკვიდრებისა და განვითარების საქმეში; პროფესორის მიერ აღიზარდა მეცნიერ-პედაგოგთა და პრაქტიკოსთა მრავალი თაობა.
