„მე არ შემეშინდება ტრამპის რეპლიკებზე რეაგირება, თუ რეპლიკები არ მომეწონება, განსაკუთრებით მაშინ, როდესაც საქმე ქალთა უფლებებს ეხება,“-ამის შესახებ ვაშინგტონში ვიზიტამდე რამდენიმე დღით ადრე ბრიტანეთის პრემიერ-მინისტრმა ტერეზა მეიმ განაცხადა.
„მე ყოველთვის ვიცავდი ქალთა უფლებებს და ისიც არაერთგზის მითქვამს, რომ ბატონ ტრამპის ზოგიერთი განცხადება, რომლებიც ქალებს შეეხებოდა, ჩემთვის მიუღებელია. თავის ზოგიერთ განცხადებაზე მან ბოდიში უკვე მოიხადა. შეხვედრისას მის წინ იჯდება ქალი, რომელიც ბრიტანეთის პრემიერ-მინისტრია. თუ ის რაიმე ისეთს იტყვის, რაც არ მომეწონება, რა თქმა უნდა, ამაზე რეაგირება მექნება,“-აღნიშნა მეიმ.
