რომის კათოლიკური ეკლესიის წინამძღვარი შექმნილი კრიზისების ფონზე ევროპას დიქტატურის მოსალოდნელი საფრთხის შესახებ აფრთხილებს. გამოცემა ელ-პაისისთვის მიცემულ ინტერვიუში ფრანცისკე პირველმა მსოფლიოში მზარდი პოპულიზმის გამო შეშფოთება გამოთქვა.
„ევროპული პოპულიზმის ყველაზე ნათელი მაგალითია 1933 წლის გერმანია, რომელიც დასუსტებული იყო და ძლიერი ლიდერი სჭირდებოდა. ამ დროს გამოჩნდა ჰიტლერი, რომელიც ხალხმა აირჩია და რომელმაც ხალხი დაღუპა,“-აღნიშნა პაპმა.
