აშშ-ის პრეზიდენტმა დონალდ ტრამპმა თავისი პირველი სრული სამუშაო დღე ლოცვით დაიწყო. ამის შესახებ Associated Press იუწყება.
ტრამპი ვაშინგტონის საკათედრო ტაძარში მეუღლესთან, ქვეყნის პირველ ლედი მელანია ტრამპთან ერთად მივიდა. ასევე, ტაძარში იმყოფებოდნენ ვიცე-პრეზიდენტი მაიკლ პენსი და მისი მეუღლე კარენი.
ახალი პრეზიდენტის კონფესიათაშორის ღვთისმსახურებაში მონაწილეობა მნიშვნელოვანი ტრადიციაა.
ტაძრიდან ტრამპი აშშ-ის ცენტრალურ სადაზვერვო სააგენტოში გაემართება, სადაც ხელმძღვანელობასთან გამართავს შეხვედრას.
