დონალდ ტრამპმა აშშ-ის საპრეზიდენტო ფიცი დადო და ამგვარად, ოფიციალურად გახდა აშშ-ის 45-ე პრეზიდენტი. ფიცის დადების ცერემონია, ტრადიციულად ვაშინგტონში კაპიტოლიუმის წინ გაიმართა.
ტრამპმა ფიცის დადების ცერემონიაზე სიტყვით გამოსვლისას ამერიკელებს პატრიოტიზმისკენ მოუწოდა. დონალდ ტრამპის განცხადებით, ამერიკელებმა ცრურწმენებზე უარი უნდა თქვან და მიხვდნენ, რომ ყველაფერი მათზეა დამოკიდებული.
"ჩვენი პოლიტიკის საფუძველი პარტიორიზმი იქნება. თუ ჩვენი გული პატრიოტიზმით სავსე იქნება, ცრურწმენებისთვის ადგილი აღარ იქნება. მსოფლიოში ადამიანებმა ერთმანეთთან მშვიდობიანად უნდა იცხოვრონ.
ჩვენ ერთად უნდა ვიმუშავოთ და გავერთიანდეთ. როდესაც ამერიკა ერთიანია, მისი შეჩერება შეუძლებელია. დავიცავთ მამაც ქალებსა და კაცებს, რომლებიც ჩვენს შეიარაღებულ ძალებში მსახურობენ და რაც ყველაზე მთავარია, ჩვენ უფალი დაგვიფარავს",-განაცხადა ტრამპმა.
დონალდ ტრამპამდე ფიცი ვიცეპრეზიდენტმა მაიკლ პენსმა დადო.
ცერემონიას ესწრება აშშ-ის ოთხი ყოფილი პრეზიდენტი - ჯიმი კარტერი, ჯორჯ ბუშ-უმცროსი, ბილ კლინტონი და ბარაკ ობამა. 92 წლის ჯორ ბუშ-უფროსმა ინაუგურაცია ჯანმრთელობის მდგომარეობის გამო გამოტოვა. ცერემონიას ესწრება ასევე დონალდ ტრამპის მეტოქე, ჰილარი კლინტონიც. თუმცა ინაუგურაციას ბოიკოტი 50-მა დემოკრატმა კონგრესმენმა გამოუცხადა.
