ამერიკის არჩეული პრეზიდენტის პატივსაცემად ე.წ. "თავისუფლების ბალზე" ცნობილი ქორეოგრაფი და მოცეკვავე მაიკლ ფლეტლი იცეკვებს. ამის შესახებ გამოცემა TMZ იტყობინება.
გავრცელებული ინფორმაციით, ინაუგურაციის საორგანიზაციო კომიტეტისგან მიწვევა Lord of the Dance-ს შოუს ავტორმა რამდენიმე კვირის წინ მიიღო, თუმცა თანხმობა საინაუგურაციო პროგრამაში მონაწილეობის მიღებაზე დღეს განაცხადა.
ცნობილია ისიც, რომ ინაუგურაციის ცერემონიალზე ამერიკის ჰიმნს ჯეკი ივანკო შეასრულებს.
