სტამბოლის ღამის კლუბზე თავდასხმაში ეჭვმიტანილმა აბდულგადირ მაშარიპოვმა დანაშაული აღიარა. ამის შესახებ სტამბოლის გუბერნატორმა ვასიპ შაჰინმა განაცხადა.
34 წლის უზბეკი პოლიციამ გვიან ღამით დააკავა. მისი ბინიდან სამართალდამცავებმა ორი პისტოლეტი, რამდენიმე მჭიდი და 197 ათასი დოლარი ამოიღეს. როგორც ირკვევა, ტერორისტს სამხედრო მომზადება ავღანეთში აქვს გავლილი და 4 ენაზე საუბრობს. თურქეთში ის გასული წლის იანვრიდან არალეგალურად იმყოფებოდა.
დაკავებულმა ისლამურ სახელმწიფოსთან კავშირიც დაადასტურა.
