თაგვების პოპულაცია ავსტრალიელ ფერმერებს სერიოზული პრობლემის წინაშე დააყენებს. ამ დასკვნამდე ადგილობრივ მეცნიერთა ჯგუფი მივიდა. მათი მტკიცებით, გაზაფხულის ხანგრძლივმა წვიმებმა და მოსავლის რეკორდულმა რაოდენობამ მღრღნელების გასამრავლებლად იდეალური პირობები შექმნა. თაგვების პოპულაცია წელს შესაძლოა რეკორდულ მაჩვენებლამდე გაიზარდოს და ჰექტარზე ათას ცალს მიაღწიოს. განსაკუთრებულ პრობლემებს თაგვების მომრავლება ვიქტორიისა და სამხრეთ ავსტრალიის შტატებს უქმნის, რომლებზეც სოფლის მეურნეობის პროდუქტის 40 პროცენტი მოდის.
