სერბეთს ჩრდილოეთ კოსოვოს ანექსია იგივე სცენარით სურს, რომლითაც რუსეთმა ყირიმი შეიერთა. ამის შესახებ კოსოვოს პრეზიდენტმა ხაშინ ტაჩიმ განაცხადა.
„მათ ჩრდილოეთ კოსოვოში მატარებლის შემოყვანა სცადეს, რომელზეც ეწერა, რომ კოსოვო სერბეთის ნაწილია. ეს იყო აშკარა პროვოკაცია. ისინი ჩვენს მწვავე რეაქციას ელოდნენ, რასაც კოსოვოში შემოჭრის საბაბად გამოიყენებდნენ. სიმბოლურია ისიც, რომ ეს მატარებელი სერბეთს რუსეთმა აჩუქა,“-აღნიშნა ტაჩიმ.
სერბული მატარებელი კოსოვოში არ შეუშვეს, რის შემდეგაც სერბეთის პრეზიდენტმა ღიად განაცხადა, რომ საჭიროების შემთხვევაში ბელგრადი მზადაა კოსოვოში ჯარები შეიყვანოს.
