ქალაქ სოჭის მოსახლეობა რუსეთის პრეზიდენტს გაზისა და დენის მიწოდებას სთხოვს. ადგილობრივი მედიის ინფორმაციით, ,,რაზდოლნაიას“ დასახლებაში მცხოვრებ მოქალაქეებს უკვე მეხუთე დღეა გათბობის არანაირი საშუალება არ გააჩნიათ. რადიოს ცნობით, ადგილობრივი მოსახლეობა უკვე რამდენიმე წელია გაზიფიცირებას მოითხოვს, თუმცა უშედეგოდ. ხოლო დენის მიწოდება მათ უკვე რამდენიმე დღეა შეწყვეტილი აქვთ და ვლადიმერ პუტინს მოუწოდებენ გაამახვილოს ყურადღება მათ პრობლემაზე. მოსახლეობა აცხადებს, რომ წინააღმდეგ შემთხვევაში მათ შვილებს სიცივით გაყინვა ემუქრებათ.
