თურქეთის პარლამენტმა საკონსტიტუციო რეფორმას მხარი დაუჭირა. მმართველი პარტიის ინიციატივას, რომელიც პრეზიდენტის უფლებების გაზრდას ითვალისწინებს, 550 დეპუტატიდან ხმა 340-მა მისცა. საკონსტიტუციო ცვლილებები პრეზიდენტს ბრძანებების გამოცემის, მინისტრების დანიშვნისა და რეფერენდუმების ჩატარების უფლებას აძლევს. საკონსტიტუციო რეფორმის განხილვა პარლამენტში მწვავე დაპირისპირების ფონზე მიმდინარეობს. გუშინ ერთმანეთს მმართველი და ოპოზიციური პარტიების წარმომადგენლები ფიზიკურად დაუპირისპირდნენ, რის შედეგადაც რამდენიმე ადამიანი დაშავდა.
