აშშ სენატმა აშშ თავდაცვის მინისტრობის კანდიდატს, გადამდგარ გენერალ ჯეიმს მეტისს პენტაგონის შეფობის უფლება მისცა. მისთვის კანონმდებლებმა იშვიათი გამონაკლისი დაუშვეს. გადაწყვეტილებას მხარი 81 სენატორმა დაუჭირა, წინააღმდეგ კი ხმა 17-მა მისცა. დღემდე არსებული კანონმდებლობით გადამდგარ სამხედრო მოსამსახურეს თავდაცვის მდივნის პოსტის დაკავების უფლება გადადგომიდან 7 წლის შემდეგ ეძლევა. გამონაკლისს შემთხვევებში გადაწყვეტილებას კონგრესი იღებს. მეტისმა საზღვაო ქვეითთა კორპუსი 4 წლის წინ დატოვა. დეკემბერში კი არჩეულმა პრეზიდენტმა დონალდ ტრამპმა მას თავდაცვის მინისტრობა შესთავაზა.
