ისრაელის ექსპრეზიდენტი მოშე კაცავი ციხიდან ვადაზე ადრე გათავისუფლდება. ინფორმაციას ყოფილი პრეზიდენტის ადვოკატი ავრცელებს. მისი თქმით, გადაწყვეტილება შეწყალების კომისიამ უკვე მიიღო. კაცავი, რომელიც სასჯელს გაუპატიურებისთვის იხდის, ციხეს მომდევნო კვირას დატოვებს. ექსპრეზიდენტმა შეწყალების კომისიას მანამდე ორჯერ მიმართა, თუმცა მისი მოთხოვნა მხოლოდ ახლა დაკმაყოფილდა. მოშე კაცავს თავისუფლების აღკვეთა 2011 წელს მიესაჯა. სასამართლომ ის თანაშემწეების გაუპატიურებაში ცნო დამნაშავედ.
