მასობრივი არეულობები ვენესუელაში მსხვერპლით დასრულდა. ბოლო მონაცემებით, შეტაკებებს 4 ადამიანი ემსხვერპლა. საპროტესტო მსვლელობები მას შემდეგ დაიწყო, რაც პრეზიდენტ მადუროს განკარგულებით, ყველაზე მსხვილი ფულადი კუპიურა, 100 ბოლივარი მიმოქცევიდან ამოიღეს. მანიფესტანტებმა მაღაზიები, სურსათის საწყობები და სავაჭრო დაწესებულებები დაარბიეს. პოლიციამ 130-ზე მეტი აქტივისტი დააკავა. მსოფლიო ბაზარზე ნავთობის გაუფასურებამ ვენესუელაში მწვავე სასურსათო კრიზისი გამოიწვია. მოსახლეობა საკვები პროდუქტების დეფიციტს განიცდის.
