ჰიპ-ჰოპ მიუზიკლ „ჰამილტონის“ ფერადკანიანი მსახიობი ვიქტორ დიკსონი მომავალი ვიცე-პრეზიდენტის, მაიკ პენსისთვის ბოდიშის მოხდას არ აპირებს. ამის გაკეთებისკენ მას ახლადარჩეულმა პრეზიდენტმა დონალდ ტრამპმა მოუწოდა. საუბარია სპექტაკლზე მომხდარ ინციდენტს, რომელსაც მაიკ პენსიც ესწრებოდა. სპექტაკლის დასრულების შემდეგ დიკსონმა მას თეატრალური დასის მიმართვა წაუკითხა. წერილში ნათქვამი იყო, რომ სხვადასხვა რასის წარმომადგენლებს ტრამპისა და მისი გუნდის არ სჯერათ და შიშობენ, რომ მათი ოჯახები და შვილები დაუცველები იქნებიან. მომავალი ვიცე-პრეზიდენტი დარბაზში დარჩა და მიმართვა ბოლომდე მოისმინა.
