ფოთის ინდუსტრიული ზონა მომავალ ივლისში გაიხსნება. ამის შესახებ ფოთის პორტის ადმინისტრაციაში აცხადებენ. მათი თქმით, დღეისთვის უკვე არსებობს 20 ინვესტორი, რომლებიც ინდუსტრიულ ზონაში მუშაობისთვის მზად არიან. ინვესტორებს შორის ძირითადად დსთ-ს წევრი ქვეყნების წარმომადგენლები სჭარბობენ. თუმცა, ფოთის პორტში ირწმუნებიან, რომ დაინტერესება ამერიკული, ინდური და ჩინური კომპანიების მხრიდანაც არის.
ფოთის ინდუსტრიული ზონის გახსნა მიმდინარე ივნისში იგეგმებოდა. თუმცა ერთი თვით გადაიდო. გადადების მიზეზად დასახელდა ის ფაქტი, რომ ინდუსტრიულმა ზონამ ინვესტორების დაინტერესება ვერ მოახერხა.
