ვაშინგტონი ალეპოში ავიაიერიშების განახლებას გმობს და მოსკოვის მხრიდან საერთაშორისო ნორმების დარღვევაზე საუბრობს. საგანგებო განცხადება სახელმწიფო დეპარტამენტის წარმომადგენელმა ელიზაბეთ თრიუდომ გააკეთა. მისი თქმით, ბოლო რამდენიმე საათის განმავლობაში სირიაში 5 საავადმყოფო დაიბომბა. პარალელურად, სირიის საკითხზე იმსჯელეს კონგრესში. კონგრესმენებმა მხარი დაუჭირეს სირიის მთავრობის მოკავშირე ქვეყნებისთვის, მათ შორის, რუსეთისა და ირანისთვის სანქციების გახანგრძლივებას.
