ნატოს ძალებმა ავღანეთში თალიბთა მიერ კონტროლირებადი რაიონები დაბომბეს. ავიადარტყმები კუნდუზის პროვინციაზე განხორციელდა, რასაც 30-მდე მშვიდობიანი მოქალაქე ემსხვერპლა. დაღუპულთა შორის ქალები და ბავშვებიც არიან. ოფიციალური ქაბულის ინფორმაციით, ავღანეთის არმია და საერთაშორისო კოალიცია ოპერაციას თალიბი ამბოხებულების წინააღმდეგ ატარებდნენ, რომლებმაც ცოტა ხნის წინ კუნდუზის პროვინციასთან ახლოს ორი ამერიკელი სამხედრო მოსამსახურე მოკლეს. კუნდუზს თალიბები უკვე ერთი თვეა, აკონტროლებენ.
