იტალიაში კიდევ ერთი მიწისძვრა დაფიქსირდა. მიწისქვეშა ბიძგების სიძლიერემ ამჯერად 4,8 მაგნიტუდა შეადგინა. სტიქიის ეპიცენტრი რომიდან 134 კილომეტრში, პერუჯის სიახლოვეს მდებარეობდა. დამანგრეველი მიწისძვრა იტალიის ცენტრალურ ნაწილში 26 ოქტომბერს მოხდა, რის შედეგადაც ათასობით საცხოვრებელი სახლი და ისტორიული ნაგებობა დაინგრა. 24 აგვისტოს მომხდარმა მიწისძვრამ კი იტალიაში 300-მდე ადამიანი იმსხვერპლა.
