რუსეთის თავდაცვის სამინისტრო მორიგ სამხედრო წვრთნებს გამართავს. სერგეი შოიგუს თქმით, მომავალი წლის სექტემბერში რუსეთისა და ბელარუსის პოლიგონებზე სტრატეგიული სწავლება „ დასავლეთი 2017 „ დაიწყება. როგორც უწყების ხელმძღვანელმა აღნიშნა, სამხედრო წვრთნებისას გათვალისწინებული იქნება რუსეთის საზღვრებთან ნატოს გაზრდილი აქტივობაც. ჩრდილოატლანტიკურ ალიანსზე საუბრისას, შოიგუმ განაცხადა, რომ ნატო ახალი გეგმებით რეგიონში სტრატეგიულ სტაბილურობას უთხრის ძირს. მიმდინარე წლის მაისში რუსეთის თავდაცვის სამინისტრომ ქვეყნის დასავლეთ საზღვრებთან ახალი სამი დივიზიის შექმნის შესახებ განაცხადა.
