ვენესუელას პარლამენტმა პრეზიდენტის სიმბოლური სასამართლო პროცესი შეაჩერა. ეროვნული ასამბლეის სპიკერის, ენრი რამოს ალუპის თქმით, გადაწყვეტილება პარლამენტმა პოლიტიკური კრიზისის დარეგულირების მიზნით მიიღო. პოლიტიკური დიალოგი პრეზიდენტმა მადურომ ოპოზიციასთან 2 დღის წინ დაიწყო და პატიმრობიდან ოპოზიციის 3 აქტივისტი გაათავისუფლა. ოპოზიციის მიერ კონტროლირებადი პარლამენტი მადუროს დიქტატურასა და კანონების იგნორირებაში ადანაშაულებს და მის იმპიჩმენტს მოითხოვს.
