რუსეთმა ალეპოში ჰუმანიტარული პაუზა კიდევ ერთხელ გამოაცხადა. პუტინის განკარგულებით, ალყაში მოქცეული ქალაქის დაბომბვა 4 ნოემბერს 10 საათით შეწყდება. რუსეთის შეიარაღებული ძალების გენერალური შტაბის უფროსის, ვალერი გერასიმოვის განცხადებით, ჰუმანიტარული პაუზა დილის 9 საათიდან 19 საათამდე იმოქმედებს. ადგილობრივ მცხოვრებლებს ქალაქის დატოვების შესაძლებლობა 2 დერეფნის საშუალებით მიეცემათ. რუსული მხარე იარაღის დაყრისა და ქალაქის დატოვებისკენ ალეპოში მყოფ ამბოხებულებსაც მოუწოდებს.
