მოსკოვში, სასჯელაღსრულების ფედერალური სამსახურის შენობის წინ ოპოზიციონერ ილდარ დადინის მხარდამჭერი აქცია გაიმართა. აქტივისტებმა ციხეში პატიმრების წამება გააპროტესტეს. აქცია მას შემდეგ დაიგეგმა, რაც ოპოზიციონერმა ციხეში წამების შესახებ მეუღლეს წერილით აცნობა. მისივე თქმით, საპატიმროს თანამშრომლები მას ლიკვიდაციითაც დაემუქრნენ. დადინის წერილი ლატვიაში დაფუძნებულმა სააგენტო „ მედუზამ“ გამოაქვეყნა. ილდარ დადინი, რუსეთის პირველი მოქალაქეა, რომელიც საჯარო შეკრების შემზღუდველი კანონის საფუძველზე დააპატიმრეს. ის საპატიმროში 2015 წლის 7 დეკემბრიდან იმყოფება.
