თურქული ფორთოხალი რუსულ ბაზარზე ბრუნდება. ამის შესახებ თურქეთის სურსათის, სოფლის მეურნეობისა და მესაქონლეობის სამინისტროს პრეს-მდივანმა ომერ ეკშიმ განაცხადა. მისივე თქმით, რუსეთში 2017 წლის მარტამდე 600 ათასი ტონა ფორთოხლის ექსპორტი განხორციელდება. თურქული პროდუქტების იმპორტი რუსეთმა გასული წლის ნოემბერში შეაჩერა, მას შემდეგ, რაც თურქებმა საჰაერო სივრცის დარღვევის გამო რუსული სუ-24 ჩამოაგდეს.
