"მართლმადიდებელი ვარ მეც! დამაპატიმრეთ!" - ამ სახელწოდების აქცია-ბრიფინგი "სახალხო მართლმადიდებლური მოძრაობის" წევრებმა თავისუფლების ინსტიტუტის შენობასთან გამართეს.
აქციას "კონსერვატიული", "ლეიბორისტული", პარტია "თავისუფლების" ახალგაზრდული ფრთის წარმომადგენლები და სამი არასამთავრობო ორგანიზაციის წევრებიც შეუერთდნენ.
აქციის მონაწილეები 7 მაისს ტელეკომპანია "კავკასიის" ინციდენტთან დაკავშირებით დაპატიმრებული ახალგაზრდების გათავისუფლებას მოითხოვენ და საქართველოში "თავისუფლების ინსტიტუტის" საქმიანობას აპროტესტებენ.
აქციის მონაწილეობის განაცხადებით, უახლოეს დღეებში "თავისუფლების ინსტიტუტისთვის" საქმიანობის აკრძალვის მოთხოვნით ხელმოწერების შეგროვებას დაიწყებენ.
ამასთან, ახალგაზრდები აღნიშნულ საკითხებზე მიმართვას საქართველოს პრეზიდენტის, კათალიკოს-პატრიარქისა და პარლამენტის თავმჯდომარის სახელზე გაგზავნიან.
