ბელარუსში სტალინის რეპრესიების დროს დაღუპულები გაიხსენეს. მინსკში ე.წ. კგბ-ს შენობასთან ოპოზიციის აქტივისტები შეიკრიბნენ. რეპრესიების მსხვერპლთა ხსოვნას მათ პატივი სანთლებით მიაგეს. 1937 წლის 29 ოქტომბრის ღამეს ნკვდ-ს ციხის სარდაფებში 130 პოეტი, მწერალი, ექიმი, მეცნიერი და საზოგადო მოღვაწე დახვრიტეს. მათ შორის იყვნენ ცნობილი ლიტერატორები მიხას ჩაროტი, ალეს დუდარი, მიხას ზარეცკი და ვალერი მორიაკოვი.
