ამერიკის პრეზიდენტობის დემოკრატი კანდიდატი FBI-ის გადაწყვეტილებით, მის წინააღმდეგ გამოძიება განახლდეს, შეშფოთებულია. ამის შესახებ მან ქალაქ დეიტონ-ბიჩში ამომრჩევლებთან შეხვედრისას განაცხადა. კლინტონის თქმით, არჩევნებამდე 10 დღით ადრე იმის გაცხადება, რომ მის წინააღმდეგ ახალი სამხილები გამოჩნდა, უცნაურია. „ძალიან უცნაურია, როდესაც FBI-ის შეფი ასეთ განცხადებას აკეთებს არჩვნების წინ და თანაც ასე ცოტას ლაპარაკობს. მაშინ მან ამომრჩეველს უფრო მეტი ინფორმაცია უნდა მიაწოდოს. ამომრჩეველს უფლება აქვს ყველაფერი იცოდეს,“-აღნიშნა დემოკრატმა კანდიდატმა. ინფორმაცია იმის შესახებ, რომ ე.წ. ელექტრონული წერილების სკანდალთან დაკავშირებით ახალი დეტალები გაირკვა, FBI-ის-ის დირექტორმა ჯეიმს კომიმ კონგრესს წერილობით აცნობა. საქმე ეხება სახელმწიფო მდივნად მუშაობის პერიოდს, როდესაც კლინტონი პირად ელექტრონულ ფოსტას სამსახურეობრივი მიზნით იყენებდა. ამის გამო მან ბოდიში საჯაროდ რამდენჯერმე მოიხადა.
