სკანდალურმა რუსულმა პანკ-ჯგუფმა „ფუსი რაიოტმა“ ახალი კლიპი გამოუშვა, სახელწოდებით, „გავხადოთ ამერიკა ისევ ძლიერი სახელმწიფო“, სადაც მწვავედ აკრიტიკებს დონალდ ტრამპის პოლიტიკას. მუსიკალურ რგოლში ნადეჟდა ტოლოკონიკოვა ერთდროულად რამდენიმე როლს ასრულებს. ის არის შეერთებულ შტატებში ჩასული იმიგრანტი და იმავდროულად, სამართალდამცველიც. მუსიკალური რგოლის შინაარსი დონალდ ტრამპის ჰომოფობიურ და რასისტულ გამონათქვამებზეა აგებული. ტოლოკონიკოვას აზრით, სწორედ ასეთი სასტიკი გახდება სახელმწიფო ტრამპის არჩევის შემთხვევაში. კლიპის რეჟისორი ჯონას აკერლუნდია, რომელიც ლედი გაგას ვიდეორგოლის, „ტელეფონის“ ავტორიცაა.
