არეულობა ჩრდილოეთ დაკოტაში. ადგილობრივებმა ახალი ნავთობსადენის მშენებლობა გააპროტესტეს. აქცია პოლიციასთან შეტაკებში გადაიზარდა. სამართალდამცველებმა და სამხედროებმა დემონსტრანტები ძალის გამოყენებით დაშალეს. არეულობა მას შემდეგ დაიწყო, რაც დემონსტრანტებმა ნავთობსადენის მშენებლობის ადგილას ბარიკადები აღმართეს. პოლიციამ 20-მდე აქტივისტი დააკავა. ადგილობრივების თქმით, ახალი ნავთობსადენის აშენება წყლის დაბინძურებასა და მიმდებარე ტერიტორიაზე კულტურული ძეგლების დაზიანებას გამოიწვევს.
