მოსულის გასათავისუფლებლად მიმდინარე ოპერაციას 900-მდე ისლამისტი ემსხვერპლა. ამის შესახებ ახლო აღმოსავლეთში აშშ შეიარაღებული ძალების მეთაურმა ჯოზეფ ვოტელმა განაცხადა. მისივე განცხადებით, ისლამისტები ადგილობრივ მოსახლეობაში შერევას ცდილობენ, რის გამოც მათი იდენტიფიკაცია გაჭირდება. ერაყის სიდიდით მეორე ქალაქის გასათავისუფლებლად მასშტაბური სახმელეთო ოპერაცია 17 ოქტომბერს დაიწყო. მასში ერაყის სახელისუფლო ძალები, ქურთული დაჯგუფებები და საერაშორისო კოალიციის ავიაციაა ჩართული.
