თურქეთში ათობით მფრინავის დაკავების სანქცია გაიცა. სამხედრო-საჰაერო ძალების 73 პილოტი ივლისში სახელმწიფო ამბოხის მცდელობაშია ეჭვმიტანილი. პროკურატურა მფრინავებს თურქეთის რესპუბლიკის წინააღმდეგ ამბოხსა და ე.წ. გიულენისტთა ტერორისტული ორგანიზაციის წევრობაში ადანაშაულებს. შეერთებულ შტატებში მცხოვრები მუსლიმი მქადაგებელი ფეთჰულა გიულენი პუტჩის მცდელობასთან კავშირს ამ დრომდე უარყოფს. ანკარა კი მის ექსტრადიციას ითხოვს.
