ალეპოში ვითარების გამწვავების ფონზე ევროკავშირში რუსეთისთვის სანქციების გაფართოვებაზე დაიწყეს მსჯელობა. ინფორმაციას „ ვოლ სთრით ჯორნალი“ ევროპელ დიპლომატებზე დაყრდნობით ავრცელებს. გავრცელებული ინფორმაციით, საკითხი შესაძლოა მომავალ კვირას, ევროკავშრის საგარეო საქმეთა მინისტრების შეხვედრაზე განიხილონ. კონკრეტულად რა სახის სანქციები დაუწესდება რუსეთს ალეპოში ვითარების კიდევ უფრო გამწვავების შემთხვევაში, ჯერ ჯერობით უცნობია.
